Luizi dhe Olta në ‘luftë’ me njëri-tjetrin edhe në rrjete sociale, dyshohet se aktorja po blen ‘like’ për të mposhtur këngëtarin.

Big Brother VIP Albania ka dhënë një tjetër sfidë për banorët e shtëpisë së famshme.

Ata sot (e premte) kanë realizuar spektaklin ‘Big Brother Talent Show’ ku secili ka realizuar performanca të ndryshe përfshirë këndim, vallëzim apo aktrim.

Të gjitha performancat janë publikuar në faqen zyrtare të Big Brother VIP Albania në Instagram dhe video që merr më së shumti ‘like’ do të shpallet fituese në spektaklin e së shtunës (28 janar).

Me t’u postuar në faqen e Instagramit, fansat kanë nisur të veprojnë me pëlqime dhe komente të shumta, në minutat e parë të publikimit të videove është vënë re një dallim i madh i ‘like’-ve të perfomancës së Luizit me Tean dhe banorëve të tjerë.

Këngëtari shkodran i cili përformoi me Tean këngën hit të Ardit Gjebreas “Jetoje dhe jetën time po deshe” mori mijëra pëlqime duke lënë pas dukshëm banorët e tjerë.

Megjithatë, ishte performanca e aktores Olta Gixhari që ndonëse fillimisht nuk pranoi pëlqime të shumta, numri i tyre u rrit në një kohë rekord duke hedhur kështu dyshime që kishte blerje të ‘like’-ve.

Kështu janë shprehur edhe ish-banori i edicionit të parë të Big Brother VIP Albania, Meridian Ramçaj dhe fituesi i Big Brother Albania 8, Vesel Kurtishaj.

Meridiani ka bërë disa postimet në llogarinë e tij në Instagram ku hedh dyshime për duke shkruar: Olta po blen like”.

Në anë tjetër Veseli ka krahasuar numrin e klikimeve dhe pëlqimeve mes videos së Luizit dhe asaj të Oltës.

Derisa ajo e Luizit ka mbi 900 mijë klikime dhe mbi 140 mijë pëlqime, ajo e Oltës ka shënuar mbi 192 mijë klikime me 140 mijë pëlqime.

Të revoltuar janë shprehur edhe shumë fansa në hapësirën e komenteve sipër videos së Oltës.

Megjithatë, mbetet të shihet nëse rezultatet do ta nxjerrin fituese Oltën apo produksioni do të marrë masa në lidhje me këtë.